Bantay (Part 7)
“MALAY mo magka-boyfriend ka na kapag nawala na ang inis mo sa mga ‘bantay’ sa convenience store, ha-ha-ha!” sabi ni Mayette habang nasa elevator kami patungo sa fourth floor kung saan naroon ang aming opis.
“Ano namang kaugnayan ng kawalan ko ng boyfriend sa mga ‘bantay’ sa store, hmp!”
“Aba malay mo, wini-wish ng mga ‘bantay’ na huwag kang magkasiyota, ha-ha-ha!”
“Puro ka kalokohan, Mayette.”
“Kaya kung ako sa’yo, maging mabait ka na sa mga ‘bantay’. Wala namang big deal kung mag-aabot ka ng barya. Siguro may papel ang mga ‘bantay’ kaya sila naroon. Lahat daw kasi ng bagay ay may purpose. Hindi basta inilagay lang dun.”
“Pero illegal ang pag-stay ng mga ‘bantay’ sa pinto ng store. Kusa silang tumambay dun at hindi na umalis dahil nga kumikita sila. Nakakita sila ng pagkakitaan na hindi sila magbabanat ng buto. Konting bukas lang ng pinto, pera na. Aba kung ang bawat tao ay magbibigay ng P5, magkano yun kung may pumasok na 20 tao sa store. Malaki na rin yun di ba?”
“Sige ikaw na ang panalo, Girlie. Hindi na talaga yata mababago ang kaisipan mo ukol sa ‘bantay’.
“Hindi na talaga, Mayette.”
(Itutuloy)
- Latest
