Muning (Part 5)

DAHIL sa malakas na ngiyaw ng pusa, nagising ako.

Napabalikwas ako ng bangon.

Agad akong sumilip sa bintana ng aking kuwarto na nakaharap sa gate. Doon ko narinig na nagmula ang ngiyaw ng pusa.

Nakita ko ang dalawang lalaki na umaakyat sa gate. Mga nasa anim na talampakan lamang ang taas ng gate na bakal. Kayang-kayang akyatin ng mga magnanakaw.

Sa pagkakataong iyon ay hindi ako nasiraan ng loob. Hinagilap ko ang aking cellphone at idinayal ang police hotline number. Nakausap ko ang operator at sinabi kong may mga magnanakaw na umaakyat sa gate. Kinuha ng operator ang aking location. Pagkatapos ay ibinaba na.

Muli akong sumilip sa bintana. Wala na sa gate ang mga akyat bahay.

Naramdaman ko na nasa loob na sila ng bahay!

(Itutuloy)