‘Tulay’
(Part 2)
DAHIL naging mababaw na ang tubig sa ilalim ng tulauy na kahoy, marami nang sasakyan gaya ng mga trak na naghahakot ng kopra at palay ang dumadaan. Marami na ring mga karton na hila ng kalabaw na naghahakot ng mga saging. Sa madaling sabi, naging busy ang tulay na kahoy.
Kapag araw ng tiyangge sa bayan ay mas marami ang nagdaraang dyip na nagdadala ng mga panindang gulay at prutas.
Kahit naging busy ang tulay, hindi naman natigil ang aming paliligo sa ilalim ng tulay. Tumatalon kami mula sa tulay at bumabagsak sa tubig na noon ay lampas tao ang lalim. Dati, dalawa hanggang tatlong lampas tao ang lalim ng tubig.
Isang tanghali, sunud-sunod ang pagdaan ng mga trak na naghahakot ng kopra para dalhin sa bayan.
Dahil sobra ang likot namin ng aking mga kaibigan, nagsampahan kami sa ibabaw ng trak at mula roon ay tatalon sa tubig. Tumatakbo nang marahan ang trak sa tulay.
Hindi namin naisip ang panganib sa pagtalon. Sumisigaw pa kami sa sobrang saya sa ginagawa.
(Itutuloy)
- Latest
