^

Punto Mo

Kaso ni Kian, ayaw maulit ni Nartatez!

DIPUGA - Non Alquitran - Pang-masa

AYAW ni Acting PNP chief Lt. Gen. Jose Melencio “Tateng” Nartatez Jr. na mangyari ang kaso ni 17-anyos Kian delos Santos sa liderato niya. Ayon kay Nartatez, itong kaso ni Kian ay magsisilbing giya para magsagawa o mag-craft sila ng batas para hindi na maulit ito.

“Ito ay magsilbi sanang babala sa ating kapulisan na hindi makakatakas sa batas ang sinumang lumabag sa kanilang mandato at sinumpaang tungkulin na bigyang proteksyon ang bawat mamamayan,” ani Nartatez.

Ibinigay ni Nartatez ang kanyang saloobin matapos i-affirm ng Supreme Court ang conviction ng mga pulis na nasa likod ng pagpaslang kay Kian noong 2017. “This development should serve as a warning to all erring police officers that the law will catch up with them, and that they will be held accountable for any violations of their mandate and sworn duties,” ang giit pa ni Nartatez.

Sa kanyang liderato, pipilitin ni Nartatez na ang lahat ng law enforcement operations ay ipapatupad “with integrity, diligence, and respect for the rule of law while reinforcing public trust in the PNP.” Hehehe! Kailangan pa bang i-memorize ‘yan?

Maluwag naman sa kalooban na tinanggap ni Nartatez ang desisyon ng mataas na Hukuman sa kaso ni Kian. “The Philippine National Police fully respect the decision of the Supreme Court as this demonstrates that due process and the rule of law are working in the Philippines, ensuring justice is served even in difficult cases,” ang pahayag ni Nartatez.

“The wisdom of the High Tribunal will serve as our guiding light in crafting and implementation of policies to prevent the repeat of the incident, to uphold accountability and to further professionalize the police organization,” ang dagdag pa ni Acting PNP chief.

Binigyan-diin ni Nartatez na ang PNP “remains steadfast in its commitment to uphold the law, strengthen accountability within the ranks, and deliver justice to all victims of illegal actions,” ang pangako ni Nartatez. Dipugaaaaa! Anong sey n’yo mga kosa? Hehehe! Ambot sa kanding nga may bangs!

Sa ipinalabas na desisyon ng Second Division ng Supreme Court, napatunayang guilty beyond ­reasonable doubt sa kasong murder sina Arnel Oares, Jeremias Pereda at Jerwin Cruz. Hinatulan sila ng reclusion perpetua o pagkabilanggo na aabot sa 40 taon.

Ayon sa korte, ang lahat ng elements of murder ay nakikita sa kaso ni Kian at ang tatlong pulis ang masabing principals. Inutusan pa ng Korte ang tatlo na bayaran ang pamilya ni Kian ng P75,000 bilang civil indemnity, P75,000 as moral damages, P75,000 as exemplary damages at P50,000 bilang temperate damages na may 6 porsiyento na interest kada taon hanggang fully paid na ang mga ito. Araguyyy!

Siguradong magsisilbing leksiyon sa kapulisan itong kaso ni Kian. Hindi sila dapat magiging  “trigger happy.” ‘Ika nga mag-isip muna o huminga ng malalim tuwing nasa operation sila para maiwasan nilang gumawa ng mga aksiyon na labag sa batas. Gets n’yo mga kosa? Dapat lang!

At higit sa lahat, respetuhin ang human rights ng mga suspects o lumabag sa batas, na ipinapanawagan naman ni Nartatez. Mismooo! Kung sabagay, bawal na ang EJK sa panahon ngayon kaya malalayo na sa disgrasya ang mga pulis. Tumpak! Hehehe! Kanya-kanyang diskarte lang ‘yan! Abangan!

KIAN DELOS SANTOS

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with