Ang hubad na babae
PUMARA ng taxi ang isang babaing hubo’t hubad. Tiningnan siya ng drayber mula ulo hanggang paa kaya pinandilatan siya ng babae.
“Ngayon ka lang ba nakakita ng hubad na babae?”
“Hindi ko tinitingnan ang katawan mo. Iniisip kong huwag kang pasakayin dahil wala kang pamasahe.”
“At paano mo nalamang wala akong pera?”
“Wala kang bitbit na anumang bag o wallet na puwede mong paglagyan ng pera.”
Aral: Maging katulad ng drayber na nakapokus sa kanyang business at hindi sa distractions.
• • • • • •
May isang negosyanteng nagtayo ng isang publication. Noong una ay umasenso ito dahil nakapokus ang energy niya sa negosyo. Kaso nakatikim lang ng kaunting pera, yumabang ito at natutong mambabae. Ang magagaling niyang mga writers ay nagsilipatan sa kalabang publication dahil laging delayed ang suweldo. Ang misis niyang katulong sa pagpapatakbo ay tinamad na rin tulungan ang mister na taksil kaya nagpasya silang ibenta ang kompanya. Naghati sila sa napagbentahan at nagkanya-kanya na ng buhay.
• • • • • •
Ganundin ang nangyari sa may-ari ng dalawang private schools. Ilang dekada rin kumita ang eskuwelahang nabanggit dahil magaling mamahala ang misis. Parehong educators ang mag-asawa kaya nakilala ang school na may magandang sistema sa pagtuturo. Pero unti-unting bumagsak ang negosyo. May naging kabit ang mister. Naghiwalay ang mag-asawa at naghati sa school na pamamahalaan. Bago mag-pandemic, ang dalawang school na pag-aari nila ay parehong nagsara.
- Latest
