‘Kabayo’ (Part 4)

Makaraan ang isang oras, ipinasya ko nang bumalik sa bahay. Nagugutom na ako dahil hindi pa ako nag-aalmusal.

Nirendahan ko si Blackie pabalik sa bahay. Sa landas na dinaanan namin muli kaming dumaan.

Dinaanan namin ang marating puno ng saging at ang makapal na kawayanan.

Pero nagtaka ako nang ang daanan namin ay ang napakarating puno ng balete. Nagtaka ako sapagkat wala namang puno ng balete kaming dinaanan ni Blackie kanina.

O baka hindi ko lang napansin dahil naaliw ako sa aking dinaraanan. Napakasarap kasi ng amoy sa umaga ng mga damo at dahon habang sinisikatan ng araw.

Napansin ko si Blackie na nakatindig ang taynga habang nagdaraan kami sa mga punong balete. Parang may nakikita si Blackie!

(Itutuloy)