‘Bunot’ (Last Part)
NAABOT ko na ang pangarap na umunlad sa pamamagitan ng sipag at pagsisikap. Walang hindi maaabot sa buhay kapag pinagsikapan ito. Walang imposible kung magpupursigi at itutuon sa pinapangarap na marating. Lahat ay maaring marating.
Mayroon na akong pamilya. Ang aking maybahay ay mahusay din sa negosyo. Ang tatlo naming anak na parehong lalaki ay hinuhubog na namin sa pagnenegosyo. Sila ang magpapatuloy ng aking mga nasimulan. Alam ko, mas mahihigitan pa nila ang nagawa ko. Nakikita ko na maaring mas malawak ang kanilang nalalaman at mapapaunlad pa ang aking sinimulan. Tinuturuan din naming sila nang wastong pakikitungo sa kapwa at may pagmamahal. At higit sa lahat—may takot sa Diyos.
Sa aking opisina, dinispley ko ang isang bunot na nakakuwadro. Gusto kong ipakita sa aking mga bisita na dito sa bunot na ito ako nagsimula. Ito ang nagdala sa akin sa tagumpay.
- Latest
