Flocerfida (171)
ISANG araw na walang pasok sa trabaho si Kikoy, bigla niyang naisip ang ipinatagong pera ni Dang na diumano’y gagamiting pang-tuition sa kolehiyo. Sa susunod na buwan ay enrollment na.
Tinawag niya si Dang na noon ay nagtitiklop ng mga nilabhang damit.
“Ibigay ko na ba sa’yo ang perang pang-tuition mo Dang?”
“Huwag po muna, Tito. Hindi pa naman enrollment.”
“Aba sa susunod na buwan na ang enrollment. Di ba kukuha ka pa ng entrance exam?”
“Opo.”
“Kailan ang entrance exam?”
“Mag-i-inquire po ako tomorrow.”
“Sige. Gusto mo samahan kita?”
“Huwag na po. Alam ko na po ang patungo sa university. Pati po requirements dahil nag-online search ako.”
“Aba talagang preparado ka na pala.”
“Opo Tito. Gusto ko pong matupad ang pangarap ni Lolo.”
“Ano bang pangarap niya para sa’yo?”
“Maging lawyer po.”
Napangiti si Kikoy.
Humanga na naman siya kay Dang.
SUMUNOD na buwan, enrollement na. Pasado si Dang sa entrance exam kaya puwede nang mag-enrol. Tuwang-tuwa si Kikoy nang malaman na pasado si Dang.
“Galing mo talaga, Dang.”
“Tsamba lang po.”
“Hindi tsamba yun. E di mag-eenrol ka na?”
“Opo. Bukas po, Tito.”
“Samahan kita. Me dala kang pera eh. Mabuti nang may kasama ka. Ipaalala mo sa akin bukas at baka malimutan ko.”
“Opo.”
(Itutuloy)
- Latest
