‘Singsing’ (Part 13)

Habang naglalakad ako pauwi, iniisip ko kung ano ang gagawin sa singsing na binigay sa akin ni Cora. Kailangang mai-disposed ko ang singsing habang maaga. Ayaw ko ring mag-ingat ng bagay na simbolo ng kataksilan. Hindi maganda na patagalin ko ang singsing ng taksil!

Pagdating sa bahay, pinag-isipan ko kung ano ang gagawin sa singsing.

Hanggang isang ideya ang pumasok sa isipan ko. Ibibenta ko ang singsing sa isa kong kasamahan sa trabaho na isa ring alahera. Namimili siya ng mga alahas.

Kinabukasan, ipinakita ko sa aking kasamahang babae ang singsing. Sinuri.

“Saudi gold ito, Ram,” sabi ni Tet.

“Oo nga. Magkano yan, Tet?”

“Seven thou. Bakit mo binebenta?”

“Sa pinsan ko yan. Nagipit eh. Bayaran mo na.”

Binayaran ako.

Nang hawak ko na ang pera, inisip ko naman kung ano ang bibilhin sa P7,000 na pinagbentahan.

Habang naglalakad ako palabas sa opisina, napansin ko ang mga pulubi na nasa kanto.

Bibili ako ng pagkain, gamit ang P7,000 at saka ko ibibigay sa mga pulubi at palaboy.

Tinungo ko ang sikat na fastfood chain.

(Itutuloy)