Flocerfida (111)

SA covered court ng barangay ibinurol si Daniel. May isang malaking korona ng bulaklak at may pangalan ng mayor. May ilang basket ng bulaklak sa tabi ng kabaong.

Iyak nang iyak ang asawa ni Daniel na si Jean.

“Iniwan na ako ni Daniel,’’ sabi ni Jean.

“Kailan siya namatay?” tanong ni Kikoy.

“Kahapon.”

“Hindi na nadala sa ospital?”

“Ayaw na niyang magpadala sa ospital. Wala na rin naman daw mangyayari. Isa pa, wala na kaming pera.”

May binigay na sobre si Kikoy kay Jean—abuloy. Ganundin si Makoy.

MAKALIPAS ang isang linggo, tumawag uli si Makoy kay Kikoy.

“Kikoy, si Cerille patay na rin!”

“Sunud-sunod ah!”

“Puntahan natin.”

“Sige Makoy.”

(Itutuloy)