Flocerfida (87)

“I-inaamin ko, ako ang n-nagbigay ng mabagsik na lason kay Dong at labis akong nagsisisi sa ginawa. Siguro kaya ako nagkaganito ay dahil sa kasalanang ginawa ko. Siningil ako sa masamang ginawa kay Dong. Nararamdaman ko na hindi na ako magtatagal. Baka bukas o sa makalawa, patay na ako. Pero nakahanda na ako. Nakapagsisi na ako sa nagawa. Araw-araw ay nasa simbahan ako ng Paco at humihingi ng kapatawaran sa nagawang kasalanan…”

Tumigil sa pagsasalita si Fidel. Pinahid ang luha sa mata.

Saka nagpatuloy sa pagsasalita.

“A-ako nagbalikloob na sa Diyos. Kaya inaamin ko ang lahat nang naging partisipasyon sa pagkamatay ni Dong. Mamamatay na rin lang ako e aminin ko na lahat.

“B-basta ang masasabi ko, kaming apat—Florenz, Cerille, Daniel at ako—lahat may partisipasyon. Kaming apat ang salarin sa pagkamatay ni Dong. H-hindi dapat sabihin nina Daniel at Cerille na laban sa kagustuhan nila ang ginawa. G-ginusto nila dahil nagahaman sila sa pera. A-ako inaamin ko, gahaman ako. Nagsisisi ako sa nangyari.’’
Napatungo si Fidel.

(Itutuloy)