‘Kandado’ (PART 12)

NANGATOG ako sa narinig. Mga pulis at niri-raid ang club! Huwag daw tatayo ang mga customer. Manatili lamang sa kinauupuan ang lahat.

Pero hindi ko sinunod ang sinabi ng raiding team. Dahil may kalayuan ang table namin ni Darwin sa nagsalitang pulis, gumapang ako sa ­ilalim ng mesa.

Nakita pala ni Darwin ang ginagawa ko at sumunod sa akin sa paggapang. Bahagyang madilim sa kinaroroonan ­namin kaya walang nakapansin.

Malapit sa amin ang comfort room kaya dun kami maingat na nagtungo ni Darwin.

Nakahinga kami nang maluwag nang nasa comfort room na kami. Nakita ko ang sekretong pinto sa loob ng CR. Ito ang pinto na aking napansin nang mag-CR ako kanina.

“Dali Darwin, dito tayo. Sabi ko na nga ba’t may raid. Tama ang kutob ko.”

Pumasok kami ni Darwin sa pinto (Itutuloy)