Mga delikadong home remedies
Pagpahid ng eggwhite sa balat na napaso
Sa halip na makatulong ang eggwhite sa napasong balat, puwede itong magkalat ng bacteria, lalo na ang salmonella. Ang safe na paraan ay patuluan muna ito ng tubig mula sa gripo ng ilang minuto para matanggal ang init. Pagkatapos ay maghiwa ng kamatis at ito ang ipatong sa bahaging napaso upang maiwasan ang blister.
Pagmumog ng mouthwash kung masakit ang lalamunan.
Lalo lang maiirita ang lalamunan kung magmumumog ng mouthwash. Mas mainam na uminom ng maligamgam na tubig or maligamgam na calamansi juice at magpahinga.
Paglalagay ng barya sa ibabaw ng namamagang pusod (umbilical hernia) ng bagong silang na sanggol
Ang barya ay marumi na magdudulot ng infection sa pusod ng sanggol. Kumunsulta sa pediatrician upang malaman ang dapat gawin.
Vaginal douching
Hinuhugasan matapos makipagtalik upang hindi mabuntis. Sinisira nito ang ph balance ng vagina na maaaring pagmulan ng sakit. Gumamit ng condom, birth control pills kung umiiwas sa pagbubuntis.
Paglagay ng laway o pagdila sa sugat
Ang laway ay may bacteria. Sa halip na gumaling ang sugat, nilalagyan lang ito ng bacteria na pagmumulan ng infection. Hugasan ng tubig ang sugat at aplayan ng gamot na rekomendado ng doktor.
- Latest
