‘Salamin’
(Part 4)
Malalim akong nag-iisip dahil sa napulot kong salamin nang biglang may tawag sa akin mula sa Pinas.
Hindi pa uso ng mga panahong yun ang cell phone kaya bumabagsak ang tawag sa aming tinitirahang villa.
Nagmamadali akong nagtungo sa opisina ng manager ng villa sa ground floor.
Umiiyak ang aking misis nang makausap ko. At saka sinabi niya ang nangyari sa aming anak na nahulog habang nasa school. Nasa high school ang aking anak na lalaki.
Masama ang pagkakahulog sa hagdan kaya kailangang operahan. Maselan ang gagawing operasyon.
Kailangan ang malaking halaga ng pera. Hindi sasapat ang aming savings.
“Paano ang gagawin natin?” tanong ng misis ko.
“Gagawa ako ng paraan,’’ sabi ko kahit na hindi alam kung saan kukuha ng pera para sa operasyon.
May awa ang Diyos, sabi ko kay Misis.
(Itutuloy)
- Latest
