Maid of Honor (111)

“PAANONG napatay, Honor?’’ tanong ni Bianca.

“Sabi ng kapatid na pulis ni Rocky, palabas na raw ito ng tunnel nang tambangan ng dalawang lalaki. Namatay daw agad si Rocky. Wala na raw ang bag na may pera at hinala nila, tinangay ang bag.’’

“Sino raw ang dalawang lalaki na tumambang kay Rocky?’’ tanong ni Bianca.

“Mga miyembro ng sindikato,’’ sagot ni Honor.

“Pero di ba nahuli ang lider ng sindikato?’’

“Mayroon pang mas ­mataas at yun ang nag-utos para patayin si Rocky.’’

“Totoo kaya ‘yan, Honor?

Hindi kaya peke lang ang pagkamatay ni Rocky para maitago ang pagkawala ng pera?’’

“Ewan ko naguguluhan din ako, Bianca.’’

“Maski ikaw nagdududa rin, Honor?’’

“Oo.’’

“E nasaan nga pala ang bangkay ni Honor?’’ tanong ni Bianca.

“Na-cremate na.”

“Ganun kabilis?’’

“Yun daw ang gusto.’’

“Talagang duda ako, Honor.’’

“Hintayin na lang natin ang mga susunod na kabanata.’’

Sumabad si Inah sa pag-uusap ng mag-asawa.

“Kami po ni Yana ay duda sa nangyari kay Kuya Rocky. Palagay po namin ay peke ang pagkamatay niya.’’

“Totoo po ang sinabi ni Inah, Kuya. Ginawa lang yun para makuha ang pera.’’

(Itutuloy)