Mga isyu sa boyfriend na dapat isipin bago magpakasal
• Siya lang ang bumubuhay sa kanyang mga magulang at kapatid. Kapag nagpakasal kayo, magiging kontrabida ka sa kanila. Siyempre, mababawasan ang sustento ng pamilya dahil nariyan ka na, na makikihati sa grasya. Kahit pa may trabaho ka. Hintayin mong may kapatid na humalili sa pagbuhay ng kanyang pamilya o maturuan niya ang kanyang pamilya na tumayo sa sarili nilang paa. Kung babalewalain mo, habang buhay ‘yan nakaasa sa magiging asawa mo.
• Walang imik. Hindi siya komportable na magprangkahan kayo kapag may problema.
• Kinaliwa ka niya. Huwag magpakasal sa boyfriend na nangaliwa. Kung nagawa niya noong una, siguradong may susunod pang pangangaliwa ‘yan. Kasabihan ng matatanda, iyang ahas ay nagpapalit ng balat hindi para magpalit ng anyo kundi para bigyan ng space ang paglaki ng kanyang katawan.
• Nabawasan na ang kanyang paglalambing. Delikado iyan, baka nawawalan na ng gana sa iyo at nahihiya lang umamin.
• Adik sa alak, drugs o sugal. Magpa-rehab muna bago magpakasal.
• May mabigat siyang pinagdadaanan: namatayan, may mabigat na sakit ang isang kapamilya, may malaking problema sa trabaho.
• Hindi pa man asawa ay napakadominante nito sa iyo. Kinokontrol ka niya at hindi ka makalaban.
• May hinaharap na mental health issues.
• May sikretong itinatago sa iyo.
• May mataray at dominanteng ina o ama.
- Latest
