100 payo mula sa centenarians (Part 4)

Ang Huffington Post, isang American online news ay nag-interbyu ng ilang centenarians (100 years old o higit pa) at ito ang nakalap nilang mga payo upang magkaroon ng “long, happy and healthy life”:

46. Huwag iinom ng alak ng walang laman ang tiyan.

47. Huwag lalabas ng bahay nang basa ang buhok. Hindi disenteng tingnan na kuntodo make-up ka at maganda ang bihis pero basang-basa naman ang buhok. Maliban lang kung bumalik sa uso ang wet look na buhok.

48. Maligo araw-araw kahit pa taglamig. Kapag nasanay ka sa malinis na pakiramdam, pati konsensiya mo, pipilitin mong maging malinis sa tuwina.

49. Kung may multong magpakita sa iyong kuwarto ng 3:00 a.m., huwag matakot. Kausapin sila. Mas matakot ka kung buhay na tao ang pumasok sa iyong kuwarto sa dis-oras ng gabi.

50. Make sure na alam ng mga tao sa paligid mo na mahal mo sila.

51. Basta’t ito’y ikaliligaya mo at walang ibang tao na masasaktan, gawin mo ang gusto mo.

52. Sa mga kababaihan: Sa panahon na kakaunti ang pera pero maraming pagbabayaran, sa panahong aplay ka nang aplay sa trabaho pero walang tumatanggap sa iyo. Wala kang gagawin kundi mag-lipstick (para hindi mahalatang namumutla ka na sa gutom), mag-make-up (para maganda pa rin kahit nangangalumata na sa tindi ng paghihirap), tapos ipagpatuloy lang ang paghahanap ng trabaho. Paano ka tatanggapin kung pangit ka?

53. Huwag kang pumayag na maliin ng ibang tao ang pagbigkas at pagbaybay ng pangalan mo. Turuan sila kung paano ang tama.

54. Laging magbaon ng biscuit at tubig para ligtas sa lipas-gutom o mas malala, ulcer.

55. Matutong makiusap. Paano mo makakamtan ang isang bagay kung hindi magsasalita? Walang panahon ang mga tao para basahin ang nasa isip mo.

(Itutuloy)