Ang mabait at ang Hudas

Kahit saang dako nitong Pilipinas

naghahari ngayon ay maraming hudas;

Hudas na pulubi at mayamang hudas

saan man magtungo ito’y mamamalas!

Mga mabubuti taong mababait

sila’y nakatago’t mga nasa bukid;

Ang gawain nila hindi mo malirip

nakakatulong man tago sa daigdig!

Gumagawa nang mali at saka ng tama

sa tingin ng iba ito’y balewala;

Kaya ang halaga ng buhay-Maynila

probinsyano pa rin dahil walanghiya!

Taong mababait ay nagiging hudas

pagsila’y namali bawat pagsisikap;

Mabuting tao kapag minamalas

mas higit na hudas sa sobrang sikap!