Mabait at Hudas

Kahit saang dako nitong Pilipinas

naghahari ngayon ay maraming hudas;

hudas na pulubi at  mayamang hudas

saan man magtungo ito’y mamamalas!

Mga mabubuti taong mababait

sila’y nakatago’t mga nasa bukid;

ang gawain nila hindi mo malirip

nakatutulong man tago sa daigdig!

Gumawa nang mali at saka nang tama

sa tingin ng iba ito’y balewala;

kaya ang halaga ng buhay-Maynila

probinsyano pa rin dahil walanghiya!

Taong mababait ay nagiging hudas

pagsila’y namali bawat pagsisikap

mabubuting tao kapag minamalas

mas higit na hudas sa sobrang sikap!