Emergency powers sa traffic at transportation

PANAHON na upang maresolba ang problema sa trapiko at transportasyon sa bansa partikular sa Metro Manila at karatig lalawigan.

Dahil sa mahabang proseso sa mga bidding sa mga proyekto ay naantala ang mga proyekto kabilang ang mga lulutas sa problema sa trapiko at problema sa trasportasyon.

Isa sa mahabang proseso ng bidding ang idinadahilan sa pagkaantala ng pagbili ng mga bagon sa MRT.

Maituturing na nasa emergency situation ang kakapusan ng mga bagon sa MRT bagamat dumating na ang prototype na inaasahang aakma sa mga riles ngayon upang madagdagan ang mga bagong na bumibiyahe sa MRT.

Sa LRT ay dapat din dagdagan na ang mga bagon, Huwag nang hintayin na titirik pa ang mga ito at kulangin na naman para sa commuters.

Hindi uubra ang galing ng PNP-Highway Patrol Group sa EDSA dahil kahit anong gawin ng mga ito ay mahihirapang mapaluwag ang trapiko roon.

Sobrang dami na kasi ang mga sasakyan lalo na sa Metro Manila pero hindi naman lumalapad o nadadagan ang mga kalsada.

Marami ring mga maliliit na kalsada na puwede sanang alternatibong ruta ang nababarahan at hindi nagagamit ng mga motorista.

Kung mabibigyan ng emergency powers si P-Noy, mas mabilis na mareresolba nito ang problema sa trapiko at transportasyon.

Hindi naman kailangan  mawala ang problema sa trapiko kundi maibsan lang ng kaunti.