Sampaguita (141)

MAYROON sana akong ilalapit sa kanya,” sabi ni Ram.

“Tungkol saan ang ilalapit mo kay Banjo Sir?’’

“Mayroon kasing naagrabyado sa amin at gustong maiganti.’’

“Ah, oo.’’

“Talaga bang mayroon mga kontak si Banjo, Brad?’’

Niyaya siya ng lalaki sa di-kalayuan.

“Maraming kontak si Banjo, Sir. Pawang mga halang ang kaluluwa ng kontak niyan. Gagawin ang utos kapalit ng pera.’’

“Talaga?’’

“Oo kaya kung may ipatatrabaho ka, si Banjo ang dapat mong kontakin. Pero dapat maging maingat ka rin, Sir.’’

“Bakit?’’

“Paladuda si Banjo. Kasi’y iniisip niya, parak ang kausap niya. Mapaghinala ang taong yun at kapag natunugan na may masamang ba­lak ang kausap, ito ang inu­una niya. Malupit si Banjo, Sir.’’

“Salamat sa payo mo, Brad.’’

“Walang anuman Sir.’’

“Saan ba makikita si Banjo?’’

“Dito Sir. Kung minsan nakikipag-inuman siya sa mga tambay diyan. Palagay ko, nasa bahay pa siya ngayon. Diyan lang ang bahay niya Sir. Yung kulay pula ang bubong.’’

“Ah dito lang pala siya.”

“Oo. Baka maya-maya lang, bababa na ‘yan.’’

Maya-maya may nakita ang kausap ni Ram.

“Nakikita mo sir ang lalaking iyon na papalapit dito. Siya si Banjo!’’

“Ah siya pala.’’

“Gusto mo kausapin mo na siya tungkol sa pakay mo.’’

“Huwag muna nga­yon, Brad.’’

“Bakit Sir?’’

“Kakausapin ko muna ang taong nangangaila­ngan ng serbisyo.’’

“Sige Sir ikaw ang bahala. Basta kung gusto mo siyang kausapin, puntahan mo lang dito. O kaya hanapin mo ako.’’

“Salamat Brad. Ano nga palang name mo, Brad?’’

“Mulo.’’

“Salamat Mulo.’’

“Walang anuman Sir.’’

Umalis na si Ram.

Pagdating sa bahay, tinawagan niya si Sir Manuel at inireport ang nalaman.

“Nakita ko na po ang taong kausap ni Levi, Sir Manuel. Posi­tive po na siya ang may kontak sa hired killers.’’

(Itutuloy)