Maraming milagro?

Sa ngayon sa ating bansang Pilipinas

maraming milagrong dito’y nagaganap;

ang mga milagro’y di sa langit buhat

kundi nagmumula sa taong marahas!

Sa mga lansanga’y ating nakikita

marami ang tao na nabubulagta;

ang riding in tandem nagiging malaya

na sila’y pumatay ng mga kawawa!

Isa pang milagrong nakapagtataka

sa ating gobyerno’y nawaldas ang pera;

mga pulitiko hindi nagsasawa

sa Kaban ng Bayan ay nagpapasasa!

Kaya ang milagro na nakatatakot

mga mamamayan ay mabugnot

itong mga dukhang hingi ay karampot

dahil sa hirap na lumapit sa Diyos!