Mukha ni Hesukristo nakita sa puwit ng aso?

NOONG nakaraang taon, nakita sa ulap ang image nina Hesukristo at Virgin Mary. Kumalat sa internet ang imahe. Makikita na tila nakatayo sa ulap sina Hesus at Maria. Makikita na tila tinatamaan ng hangin ang kasuutan nina Hesus at Maria. Kulay puti ang suot ni Hesus at asul naman kay Maria.

Bago pa ang pagpapakita sa ulap, may mga nakita ring imahe ni Hesus sa nilagaring katawan ng punongkahoy. Makikita ang mukha ni Hesus at may koronang tinik.

Nakita rin ang mukha ni Hesus na lumabas sa usok ng isang chimney.

Pero ngayon ay lubhang kakaiba ang isang larawan na kumakalat sa internet. Sa larawan ay makikita ang imahe ni Hesus sa puwit ng isang aso.

Ang nag-post ng photo sa Internet ay ang Reddit user Feature-Creature. Makikita ang mukha, kamay, at mahabang robe  ni Hesus sa puwit ng isang aso. Hindi naman sinabi kung kaninong aso ang kinakitaan ng imahe.

May nagsabing ginawa ang imahe sa Photoshop. Mayroon namang nagsabi na totoo ang imahe.