10 Boksingerong sumikat…yumaman…at muling bumalik sa paghihirap:

Iran Barkley

Record and Accolades : 42-12-0 (27 KOs) WBC Middleweight, IBF Super Middleweight, and WBA Light Heavyweight champion

Estimated Career Earnings: $5 million

Noong 1988, ginulat ni Barkley ang boxing fans nang patumbahin niya si Thomas Earns sa WBC middleweight championship. Si Earns nang panahong ang kasalukuyang may hawak ng five titles in five different divisions. Ang pagkapanalong iyon ni Barkley ay pinangalanang Upset of the Year ng Ring Magazine.

Noong 2010, naibalita ng New York Post na si Barkley ay isa nang homeless at nabubuhay na lang sa tulong ng mga kaibigan. Pagkaraan ng ilang buwan, nakatira raw ito sa half way house. Ito ay rehabilitation center na tinutuluyan ng mga ex convict, dating drug addict na wala kaagad matutuluyang pamilya pagkalabas sa rehab or kulungan. Upang may pagkakitaan, kinuha siyang trainer ng boxing amateurs. Inamin niyang nilustay niya ang kanyang kinita sa mga kaibigan.

Ngayon ay nagsisisi siya at saka lang naisip na: Noong mayaman siya, mga kaibigan ang naghahanap sa kanya. Nang maghirap siya, nagsipagtago na ang mga kaibigang noon ay laging nakakabit na parang mga linta.