Tatlong trahedya

May tatlong trahedyang sa bansa’y naganap:

Digmaan, lindol at bagyong malakas;

Ang tatlong trahedya’y pawang kalamidad

Na luha at dusa ang naiwang bakas!

Ang mga nangyari’y posibleng pagsubok

Na sa ating bansa’y parusa ng Diyos;

Nakapagtatakang sa malayong pook

At hindi sa Metro na maraming salot!

Narito sa Luzon mga taong sukab

Salapi ng bayan siyang winawaldas;

Kaya pag dumating mga kalamidad

Tulong sa biktima ay hindi matanggap!

Sinasabi nila na maraming pera

Ang ating gobyerno nasaan na kaya?

Dahil sa maraming dito’y walanghiya

Dapat lang na dito sakuna’y naganap!