Homemade na rolls royce

MAHILIG sa magaganda at sikat na sasakyan si Ruslan Moukanov, 24, ng Kazakhstan. Kapag wala siyang ginagawa, lagi niyang binubuklat sa isang magazine ang mga picture ng Rolls Royce. Umaasam siya na balang araw ay magkakaroon din ng Rolls Royce. Iyon ay kahit 500,000 Euro ang halaga ng nasabing sikat na sasakyan. Hindi siya nawawalan ng pag-asa na makapagda-drive ng Rolls Royce.

At nagkatotoo nga ang pangarap ni Ruslan. Nagkaroon siya ng Rolls Royce. Iyon ay nang itransform niya ang kanyang lumang Mercedes Benz sa isang shiny Rolls Royce Phantom.

Sa pamamagitan ng kanyang master-tuner skills, nakagawa si Ruslan ng pinapangarap na sasakyan. Naghanap siya ng mga parts ng Rolls Royce at matiyaga niyang ginawa iyon. Hindi makapaniwala si Ruslan nang matapos ang sasakyan. Bagumbago!

Umabot sa 3,000 euros ang halaga ng nagastos na Rolls Royce ni Ruslan.