Babae, naranasang makarating sa langit

ANG awtor na si Crystal McVea ay tumigil ang tibok ng puso sa loob ng siyam na minuto. Mayroon siyang sakit sa puso. At sa loob ng siyam na minuto, naranasan niyang makarating sa langit. Ayon pa kay McVea, isang napakaliwanag na lugar ang kanyang nakita. Ang liwanag ay may kakaibang hatid sa kanyang senses — nadarama at naaamoy niya ang Diyos.

Kinapanayam si Mcvea sa “Fox and Friends”, at ni­larawan niya sa host na si Gretchen Carlson ang kanyang mga naranasan sa loob ng siyam na minuto na tumigil ang tibok ng kanyang puso.

“Hindi ko maipaliwanag ang naging karanasan. Basta nakatayo ako sa langit at nakikita ang matinding liwanag.

Ang karanasan ni McVea ay katulad din ng nangyari sa iba pang tao na naglakbay daw ang kaluluwa at nagtungo sa langit. Mayroon pang nagsabi na nasa isang mahabang tunnel na may kakaibang liwanag at masarap na masarap ang pakiramdam.

Sa isang pag-aaral, napatunayan na ang mga taong nakaranas ‘‘makarating sa langit” ay may matin­ding memorya ng mga nangyari sa kanila sa kabilang buhay.