Iba na ngayon

Dahil nagbago na takbo ng panahon

Saan ba patungo buhay natin ngayon?

Dati’y maligaya mga tao noon –

Ngayon ay iba na ang nais at misyon!

Dati-rati naman itong sambayanan

Hindi naghihirap saanman mabuhay;

Subali’t sa ngayon ating namamasdan

Saan man tumira’y walang hanapbuhay!

Mayaman at dukha ating nakikita

Ay nag-uunahang humanap ng pera;

Itong mayayaman siyang duhapang pa

At ang mahihirap lalong nagdurusa!

Bakit nga ganito ang takbo ng buhay

Waring sinusubok ating katatagan?

Di naman ganito ang buhay nu’ng araw

Pagka’t lahat noon sagana saanman!