Mga sikat ngayon …kinawawa noong araw

NARITO ang mga celebrities na naging biktima ng bullying noong bata pa sila:

Emma Watson

Sa kasalukuyan ay nasa kolehiyo si Emma, at nag-aaral sa Brown University, isa sa itinuturing na Ivy League School. Mga matatalino lang ang nag-aaral sa Ivy League Schools. Dalawang semesters na lamang at matatapos na siya sa kanyang kurso pero naisipan muna niyang huminto. Gusto niyang palipasin ang stress na nararanasan niya sa pangbu-bully ng kanyang mga kaklase

Sa recitation, kapag nakasagot si Emma, biglang magko-chorus ang kanyang mga kaklase ng “Three points, Grif­ findor!”. Sa mga hindi nakakaintindi ng kuwento ni Harry Potter: Si Emma ang bidang babae sa pelikulang Harry Potter. Ang Griffindor ay pangalan ng section ni Emma sa Hogwarts School of Witchcraft and Wizardry. Kapag may pinaglalabanan ang bawat section, may eksena sa pelikula na isinisigaw ang points na nakuha ng  class section na nakapuntos. At ang eksenang iyon ang ginagaya ng mga nang-aasar kay Emma. Ang idinahilan na lang ni Emma ay uunahin muna niya ang acting at saka na lang ipagpapatuloy ang pag-aaral.