NNC-7 ug RAFI mopasiugda sa Run for Roots 2026

CEBU, Philippines — Ang National Nutrition Council (NNC)- 7 kauban ang Ramon Aboitiz Foundation Inc. (RAFI) ug SUN-Central Visayas Youth Sector niawhag sa publiko sa pag-apil sa Run for Roots 2026, usa ka fun run nga nagpauswag sa nutrisyon, panglawas, ug environmental sustainability.

Gikatkada kini sa Hulyo 5, 2026 diha sa Mandaue Sports Complex ug adunay temang “One Run. Grow Trees. Nourish Lives”, kini usa sa mga dakong kalihokan alang sa selebrasyon sa ika-52nd Nutrition Month.

Subay sa 2026 Nutrition Month theme nga “Nutrisyon at Kalikasan. Ating Pangalagaan!” ug suporta sa kampaniya nga “Sa PPAN, Sama-Sama sa Nutrisyong Sapat Para sa Lahat,” ang Run for Roots 2026 nagpasiugda sa lig-on nga koneksiyon sa nutrisyon, pagpanalipod sa kalikupan ug sustainable development.

Gipakita sa inisyatibo ang kamahinungdanon sa kolektibong aksyon aron mapalambo ang mas himsog nga komunidad ug mas limpiyo nga palibot.

Ang Run for Roots 2026 nagtumong sa pag-awhag sa mga indibidwal ug komunidad nga modawat sa aktibo ug himsog nga estilo sa kinabuhi samtang makatabang sa mga paningkamot sa pagpasig-uli sa kalikupan.

Matud sa NNC-7 diha sa ilang press release nga ang kita sa maong kalihokan gamiton sa mga tree-growing initiatives, lakip ang tree-planting activity ngadto sa Lungsod sa Balamban nga nagpalig-on sa climate resilience, ecological restoration, ug kaayohan sa komunidad.

Pinaagi niini, ang mga partisipante mahimong kauban sa pagpauswag sa nutrisyon ug environmental sustainability alang sa mas berde, mas himsog ug mas luwas nga kaugmaon.

Ang mga partisipante makapili sa tulo ka kategoriya sa dagan nga gilangkuban sa 3K category diin ang registration fee P600 lakip niini ang race kit; 6K category, P900 ang registration fee ug lakip niini ang race kit ug usa ka tree seedling nga itanom; 12K category, P1,200 ang registration lakip niini ang race kit ug duha ka tree seedlings nga itanom.

Ang tanang rehistradong partisipante makadawat og race kit nga naglakip sa race bib, finisher’s medal, race shirt ug post-run meal.

Ang mga interesado mahimong magparehistro sa online pinaagi sa opisyal nga registration link:https://forms.  gle/tnbMyx

LWsMY4bpzG7.

Alang sa onsite registration, abli kini gikan Hunyo 1 hangtud sa 20, 2026, matag Lunes hangtud sa Huwebes gikan alas 8:00 sa buntag hangtud sa alas 5:00 sa hapon gawas sa holidays diha sa NNC-7 office Department of Health-7 Compound, Osmeña Boulevard, Sambag II niining siyudad. — BDB BANAT NEWS