Dili magpulos kundili magkugi

Dear Uriel,

I just want to know my CHI in life. I was born on June 20, 1983. Daghang salamat. -- 0920-2196877

TUBAG: Baboy ang imong horoscopic animal. Kusog ang buylo sa imong CHI apan dili kini garantiya alang sa mahayag nga kaugmaon. Gikinahanglan mo ang dobleng paningkamot. Timan-i kanunay nga bisan unsa kamaayo sa imong CHI dili kini magpulos kun ikaw dili molihok o magkugi.

* * *

Dear Kuya Uriel,

Good day. I was born on April 20, 1975. My husband was born on September 28, 1973. Unsay among kapalaran? Thanks. -- 0927-2930179

TUBAG: Koneho ang imong horoscopic animal. Nahimugso ka sa petsa nga ang elementong yuta maoy essence of the day. Samtang ang imong bana natawo sa tuig sa baka. Ang elementong kalayo maoy koresponsal sa iyang pagkahimugso. Dili nindot ang inyong kombinasyon isip magtiayon. Giklaro sa Chinese feng shui nga dili kamo perfect match sa usa’g-usa. Tungod niini, hayan inyong mahiagoman ang mga kakulian sa inyong pagpuyo. Kun aduna may paglambo nga modangat kaninyo apan dili kini makamugna og dakong kausaban sa inyong kinabuhi.

* * *

Dear Kuya Uriel,

Hello....! I want to know my CHI. I was born on October 18, 1982. My husband was born on January 25, 1982. Thank you. -- 0919-4955xxx

TUBAG: Managsama kamong natawo sa tuig sa iro. Mas kusog ang buylo sa CHI sa imong bana kay sa kaugalingon mong CHI. On and off man gyod ang momentum sa imong life force. Dili nindot ang inyong kombinasyon. Giklaro sa Chinese feng shui almanac nga dili kamo perfect match. Labing maayo nga magbutang og ba-gua sa pultahan mayor sa balay nga inyong gipuy-an. Gamit sa kolor nga beige ug orange.

* * *

EDITOR’S NOTE

Si Uriel Cruz Vallecera namatay na adtong miaging tuig. Kining iyang lindog nga “Banat Punsoy” nagpadayon pa tungod kay sa iyang pagtaliwan diha pay daghan niyang wa pa mapatik nga materials basi sa mga tawag sa telepono nga iyang nadawat. Alang sa kaangayan ngadto sa mga nanawag kaniya sa buhi pa siya nakahukom kami nga ipadayon ang lindog hangtud mapatik ang tanan.