Problema sa kuwarta

Dear Kuya Uriel,

Natawo ko sa March 26, 1976. Unsay akong kapalaran karong tuiga? Masulbad ba ang akong problema bahin sa kuwarta? Thanks.-- 0926-2015xxx

TUBAG: Absolutely. Mao lamay buhata ang maayo ug kanang butang nga moani og positibong resulta aron masulbad ang imong problema sa panalapi.

* * *

Dear Kuya Uriel,

I was born on October 30, 1984. Naa koy awom sa likod. Gusto kong masayod sa meaning niini. Thanks. -- 0927-3959950

TUBAG: Natawo ka sa tuig sa ilaga. Ang imong awom nagpasabot nga may katakos ka sa pag-ikyas sa bisan unsang kadaot nga mohulga sa imong kinabuhi. Posible usab nga nakabaton ka’g hiyas nga daling makasapi apan wala kini magpasabot nga dali ka rang maadunahan.

* * *

Dear Kuya Uriel,

Hi...! I'm Marivic. I want to know my CHI. I was born on September 25, 1990. Moasenso ba ko sa trabaho? Thank you very much. -- 0919-7870xxx

TUBAG: Natawo ka sa tuig sa kabayo. Nahimugso ka sa petsa nga ang elementong yuta maoy essence of the day. Kusog ang buylo sa imong CHI. Nagpasalig kini alang kanimo og madagayaon nga kinabuhi. Haom kanimo ang trabaho nga may kalabotan sa advertising, architecture, pagkaon, pameryodiko ug edukasyon.

* * *

Dear Kuya Uriel,

Hi....! I want to know my CHI in life. I was born on November 18, 1986. My live-in partner was born on November 16, 1980. -- 0920-651xxxx

TUBAG: Natawo ka sa tuig sa tigre samtang ang imong live-in partner natawo sa tuig sa unggoy. Managsamang kusog ang buylo sa tagsatagsa ninyo ka CHI. Ugaling lang kay dili nindot ang inyong kombinasyon. Dili kamo perfect match.

* * *

EDITOR’S NOTE: Si Uriel Cruz Vallecera namatay na adtong miaging tuig. Kining iyang lindog nga “Banat Punsoy” nagpadayon pa tungod kay sa iyang pagtaliwan diha pay daghan niyang wa pa mapatik nga materials basi sa mga tawag sa telepono nga iyang nadawat. Alang sa kaangayan ngadto sa mga nanawag kaniya sa buhi pa siya nakahukom kami nga ipadayon ang lindog hangtud mapatik ang tanan.