Wala makabaton og anak

Dear Kuya Uriel,

I want to know my CHI. I was born on October 22, 1972. Minyo na ko pero wala pa mi makabaton og anak. My husband was born on November 9, 1973. Naa bay suwerte nga moabot namo? -- 0919-4084xxx

TUBAG: Natawo ka sa tuig sa ilaga. Nahimugso ka sa petsa kanus-a ang elementong kahoy maoy essence of the day. Nakabaton ka og positive CHI nga dili permanente ang gikusgon sa buylo. Ang imong kinabuhi dinhi sa kalibotan walay kalainan sa pag-usab-usab sa panahon. Usahay malinawon. Usahay tugawon sa mapintas nga katalagman. Apan may katakos ka sa pagpakigharong sa bisan unsang kakulian nga modangat sa imong kinabuhi.

Ang imong bana natawo sa tuig sa baka. Nakabaton siya’g positive CHI nga on and off ang buylo. Mas kusog ang buylo sa kaugalingon mong CHI kay sa iyang CHI. Kasarangan nga kinabuhi ang gipasalig sa CHI nga mugna sa petsa sa iyang pagkahimugso. May posibilidad nga moasenso apan dili kini makab-ot sa dakong kasayon. Dobleng paningkamot ang gikinahanglan.

Nindot kaayo ang inyong kombinasyon isip magtiayon tungod kay sumala sa Chinese feng shui perfect match kamo sa usa’g-usa. Busa dili ang inyong match-up ang hinungdan nga wala kamo makabaton og anak. Malagmit nga usa kaninyo may kakulian sa lawas. Labing maayo nga magpahiling kamo sa usa ka doktor.

* * *

Dear Kuya Uriel,

I want to know my CHI. I was born on June 19, 1983. My husband was born on August 29, 1981. Compatible ba mi? Thanks. -- 0926-2583637

TUBAG: Natawo ka sa tuig sa baboy samtang ang imong bana natawo sa tuig sa sunoy. Managsamang kusog ang momentum sa tagsatagsa ninyo ka CHI. Apan giklaro gayud sa feng shui almanac nga dili kamo perfect match sa usa’g-usa.

* * *

EDITOR’S NOTE: Si Uriel Cruz Vallecera namatay na adtong miaging tuig. Kining iyang lindog nga “Banat Punsoy” nagpadayon pa tungod kay sa iyang pagtaliwan diha pay daghan niyang wa pa mapatik nga materials basi sa mga tawag sa telepono nga iyang nadawat. Alang sa kaangayan ngadto sa mga nanawag kaniya sa buhi pa siya nakahukom kami nga ipadayon ang lindog hangtud mapatik ang tanan.