Dear Kuya Uriel,
I just want to know my CHI in life. I was born on August 24, 1981. Daghan kaayong salamat.-- 0916-9556613
TUBAG: Maayo ang CHI nga namugna sa petsa sa imong pagkahimugso. Nagsaad kini og kinabuhi nga binakbakan sa kalipay. Hinuon adunay mga higayon nga dili makabaton og kusog nga buylo ang imong CHI. Walay gitug-an ang Chinese feng shui kun kanus-a kini mahitabo. Apan angay kang mangandam sa kanunay tungod kay mahitabo kini sama kakalit sa pag-abot sa kawatan panahon sa kagabhion.
* * *
Dear Kuya Uriel,
Good day. I want to know my CHI in life and lovelife. I was born on September 27, 1989. Thank you very much. God bless you always. -- 0919-2951884
TUBAG: Natawo ka sa tuig sa bitin. Kusog ang buylo sa positive CHI nga namugna sa petsa sa imong pagkahimugso. Ugaling lang kay dili permanente ang gikusgon niini sa tanang higayon. May mga higayon nga lukewarm ang imong CHI ug kini sagad mahitabo sa mga adlaw'ng Lunes nga maatol sa petsa 6 sa bulan, sa Biyernes nga maatol sa petsa 25 sa bulan ug sa Sabado nga maatol sa petsa 8 sa bulan. Kasarangan nga kinabuhi ang imong masinati dinhi sa kalibotan. Bulnerable ka sa mga kasakit ug kapakyasan. Lisod alang kanimo ang pagbugtaw sa ginamithing tingusbawan. Hinuon, may pasalig nga maangkon mo ang hingpit nga kalipay sa kapulihay. Sa natad sa gugma, dako ang purohan nga magmalipayon ka kun maoy imong higugmaon ang opposite sex nga natawo sa tuig sa sunoy nga baka. Likayi ang mga binuhat nga natawo sa tuig sa baboy, tigre ug unggoy kay demalas ang ilang idulot sa imong kinabuhi.
* * *
EDITOR’S NOTE: Si Uriel Cruz Vallecera namatay na adtong miaging tuig. Kining iyang lindog nga “Banat Punsoy” nagpadayon pa tungod kay sa iyang pagtaliwan diha pay daghan niyang wa pa mapatik nga materials basi sa mga tawag sa telepono nga iyang nadawat. Alang sa kaangayan ngadto sa mga nanawag kaniya sa buhi pa siya nakahukom kami nga ipadayon ang lindog hangtud mapatik ang tanan.