Natawo sa tuig sa sunoy

Dear Kuya Uriel,

I just want to know what's the CHI in my life. I was born on June 3, 1981. Daghang salamat, Kuya. -- 0916-9791260

TUBAG: Natawo ka sa tuig sa sunoy. Maayo ang CHI nga namugna sa petsa sa imong pagkahimugso. Tungod niini, dili idlas kanimo ang kalipay. Mait-on ka ug malantip ang kaisipan. Likay sa sip-on ug ubo. Ang baga maoy labing sensitibong bahin sa imong lawas. Mataptan ka og sakit sa higayon nga dili makabaton og kusog nga buylo ang imong CHI. Makahatag og debuynas kanimo ang motorsiklo. Diskubreha ang imong talento nga may kalabotan sa arte.

* * *

Dear Kuya Uriel,

I really want to know my CHI. I was born on April 10, 1970. My husband was born on December 5, 1960. May awom sab ko sa likod habig sa wala. Unsay kahulogan? Thank you very much and God bless. -- 0917-6945692

TUBAG: Natawo ka sa tuig sa iro. Kasarangan nga kinabuhi ang gipasalig sa CHI nga namugna sa petsa sa imong pagkahimugso. On and off ang momentum sa imong positive CHI. Ang kalipay ug kasakit magbanos-banos paghari sa imong kinabuhi. Dili ang tanan nimong pangandoy sa kinabuhi makabaton og katumanan. Kanang awom sa imong likod nagpasabot nga bulnerable ka sa mga kagul-anan.

Ang imong bana natawo sa tuig sa ilaga. Kasarangan nga kinabuhi ang gipasalig sa CHI nga namugna sa petsa sa iyang pagkahimugso. Dili permanente ang gikusgon sa momentum sa iyang CHI. May pasidaan nga dili ang tanan niyang paningkamot magmalampuson. May mga higayon nga mahiagom siya sa grabeng suliran. Apan ang suliran matapos ra, masulbad man niya kini o dili.

Wala mag-ingon ang Chinese feng shui nga dili kamo compatible apan dili usab kamo perfect match. Labing maayo nga magbutang kamo'g bagua sa tungod sa pultahan sa balay nga inyong gipuy-an aron pagkabig sa suwerte.

* * *

EDITOR’S NOTE: Si Uriel Cruz Vallecera namatay na adtong miaging tuig. Kining iyang lindog nga “Banat Punsoy” nagpadayon pa tungod kay sa iyang pagtaliwan diha pay daghan niyang wa pa mapatik nga materials basi sa mga tawag sa telepono nga iyang nadawat. Alang sa kaangayan ngadto sa mga nanawag kaniya sa buhi pa siya nakahukom kami nga ipadayon ang lindog hangtud mapatik ang tanan.