Silver ang suwerte niyang kolor

Dear Kuya Uriel,

I just want to know my CHI in life. I was born on October 31, 1985. Thank you very much. -- 0920-2869076

TUBAG: Natawo ka sa tuig sa baka. Positibong CHI nga on and off ang buylo maoy namugna sa petsa sa imong pagkahimugso. Dako'g purohan nga moasenso ka sa pagpang-empleyo ilabi na gayod kun ang imong manager natawo sa tuig sa bitin o sunoy. Sa higayon nga makuha mo ang iyang kinaiya, dali ra alang kanimo ang promosyon. Likay sa mga binuhat nga natawo sa tuig sa iro ug dragon. Silver ang suwerte nimong kolor.

* * *

Dear Kuya Uriel,

Good day. I just want to know my CHI and lovelife. I was born on December 28, 1984. My first charm was born on December 22, 1981. Thanks.-- 0919-3393xxx

TUBAG: Natawo ka sa tuig sa ilaga samtang ang imong first charm natawo sa tuig sa sunoy. Mas kusog ang momentum sa iyang CHI kay sa kaugalingon mong CHI. Lisod alang kanimo ang pagbugtaw sa ginamithing tingusbawan. Bulnerable ka sa mga pagsulay ug kasakitan. Labing maayo nga mogamit kanunay sa kolor nga apple green ug dark brown. Dili kamo perfect match sa usag-usa.

* * *

Dear Kuya Uriel,

Good day. Unsay buot ipasabot sa awom sa left side sa akong lips? Daghang salamat. More power and God bless. -- 0926-2202408

TUBAG: Ang imong awom nagpasabot nga may mga higayon nga mosupak ka sa panahom sa uban bisan nasayod ka nga kini maoy husto.

* * *

Dear Kuya Uriel,

Good day.I want to know my CHI. I was born on February 8, 1957. My husband was born on January 27, 1955. We have an apartment. We accept lodgers pero hangtod karon wala pa gyod napuno. -- 0920-3018xxx

TUBAG: Natawo ka sa tuig sa sunoy samtang ang imong bana natawo sa tuig sa kanding. Managsamang kusog ang buylo sa inyong positive CHI. Dili kamo perfect match sa usa’g-usa. Mahitungod sa inyong apartment, may mga higayon nga mapuno kini apan dili sa tanang panahon.

* * *

EDITOR’S NOTE

Si Uriel Cruz Vallecera namatay na adtong miaging tuig. Kining iyang lindog nga “Banat Punsoy” nagpadayon pa tungod kay sa iyang pagtaliwan diha pay daghan niyang wa pa mapatik nga materials basi sa mga tawag sa telepono nga iyang nadawat. Alang sa kaangayan ngadto sa mga nanawag kaniya sa buhi pa siya nakahukom kami nga ipadayon ang lindog hangtud mapatik ang tanan.