Debuynas sa ting-ulan

Dear Kuya Uriel,

Good morning. I want to know my CHI. I was born on July 3, 1989. -- 0916-6965718

TUBAG: Natawo ka sa tuig sa bitin. Maayo ang CHI nga mugna sa petsa sa imong paghimugso. Nagsaad kini og kinabuhi nga tugob sa kalipay. Lumalabay lang ang mga kasakit. Debuynas ka sa panahon nga ting-ulan. Kun ikaw mahiligon sa pagtan-aw sa Meteor Garden, menos-menosi ang imong pagka-fanatic niini kay hayan magdulot kini og daotan nga epekto sa imong kaugmaon.

Likay sa mga binuhat nga natawo sa tuig sa tigre ug unggoy kay posibleng sila ang magdala sa demalas sa imong kinabuhi. Dili makabaton og kusog nga buylo ang imong positive CHI kun sila ang imong ikauban kanunay.

* * *

Dear Kuya Uriel,

Good day. I want to know my CHI. I was born on February 1, 1979. Thank you very much and more power. -- 0920-8383969

TUBAG: Kanding ang imong horoscopic animal. Nahimugso ka sa petsa nga ang elementong kalayo maoy essence of the day. Kusog ang buylo sa imong positive CHI. Nagpasalig kini alang kanimo og kinabuhi nga tugob sa kahimungaya. Epektibo ka sa natad sa negosyo. Kini ang imong linya sa kinabuhi.

* * *

Dear Kuya Uriel,

Natawo ko sa September 24, 1979. Naa koy awom sa tuo nga dughan. Naa pod sa likod. Naa pod koy awom sa liog ug sa ibabaw sa akong pilok. Unsa may kahulogan niini, Kuya? Thanks and more power. -- 0917-9579713

TUBAG: Natawo ka sa tuig sa kanding. Nahimugso ka sa petsa nga ang elementong tubig maoy essence of the day. Nagpasalig kini alang kanimo og madagayaon nga kinabuhi. Ang awom sa imong dughan nagkahulogan nga ang kahimsog maoy imong puhonan sa imong inadlaw nga panikaysikay busa angay mong ampingan ang nabatonan mong maayong panglawas. Kanang anaa sa imong likod nagpasabot nga ikaw may abilidad sa pag-ikyas gikan sa kadaotan. Malagmit ra ba nga dali rang makasapi ang binuhat nga nagbaton sa awom nga ingon niini. Kanang awom sa imong liog nagkahulogan nga may mga higayon nga ang usa ka daotang panghitabo magpaduol kanimo. Ang nakanindot lang kay gipasaligan ka man sa awom nga anaa sa imong likod nga makaikyas ka sa kadaotan. Ang anaa sa pilok nagpasabot nga may matahom kang panud-ong.

* * *

Dear Kuya Uriel,

Good day. I was born on February 12, 1990. Thank you very much. More power to you and God bless. -- 0910-3143676

TUBAG: Kabayo ang imong horoscopic animal. Nahimugso ka sa petsa nga ang elementong yuta maoy essence of the day. Kusog ang buylo sa imong CHI. Pero may pasidaan nga posibleng lukewarm ang imong CHI sa adlaw'ng Lunes nga maatol sa petsa 9 sa bulan. Labing maayo nga mogamit ka sa kolor nga orange ug red.

* * *

(Kun aduna kamo’y buot pakisayran bahin sa punsoy, kahulogan sa   awom, damgo ug uban pa, text sa 0910-8105522)