Dear Kuya Uriel,
Hi! Kumosta. Please tell me what’s my CHI. I was born on January 24, 1979. Minyo na ko ug dunay usa ka anak babaye. -- 0916-5142xxx
TUBAG: Natawo ka sa tuig sa kabayo. Positibo ang imong CHI apan on and off ang buylo niini. Tungod niini, dili mo kalikayan nga usahay bation nimo ang kasubo. Apan dili ka angay mawad-an og paglaom tungod kay may kataposan ang tanang mga suliran. Labing maayo nga magsul-ob ka’g sinina nga blue violet ang color. Ice blue ang suwerte nimong kolor.
* * *
Dear Kuya Uriel,
I just wanna know what’s the CHI in my life. I was born on September 25, 1983. My ex-boyfriend was born on September 16, 1981. Kanunay mi magbuwag unya magbalik ra pud. Ngano man? Compatible ba mi? -- 0916-9992xxx
TUBAG: Natawo ka sa tuig sa baboy. On and off ang buylo sa positive CHI nga namugna sa petsa sa imong pagkahimugso. Dili ang tanan nimong gusto matuman. Dili ang tanan nimong gustong kab-uton imo gayong maangkon. Bulnerable ka sa mga pagsulay ug kakulian. Ang hingpit nga kalipay moabot human sa kasakit.
Ang imong ex-boyfriend natawo sa tuig sa sunoy. Kusog ang buylo sa iyang positive CHI. Nagpasalig kini alang kaniya og kinabuhi nga tugob sa kadagaya. Dako ang kahigayonan nga moasenso siya kun iyang tumanon ug buhaton ang maayo niyang mga plano. Bukas alang kaniya ang oportunidad pagtuman sa iyang mga pangandoy.
Wala mag-ingon ang Chinese feng shui nga dili kamo compatible apan dili usab kamo perfect match sa usa’g-usa. Tungod kay dili man magkatukma ang inyong mga panglantaw sa tanang mga butang, mao kini ang hinungdan nga kanunay kamong magkabuwag. Dili segurado kun kamo ba gayod ang magkadayon.
* * *
Dear Kuya Uriel,
Good day. I want to know my CHI. I was born on July 17, 1979. My boyfriend was born on October 30, 1980. Thank you and God bless. -- 0928-4743xxx
TUBAG: Natawo ka sa tuig sa kanding samtang ang imong boyfriend natawo sa tuig sa unggoy. Managsamang kusog ang momentum sa tagsatagsa ninyo ka CHI. Pero giklaro sa Chinese feng shui nga dili gayod kamo perfect match sa usa’g-usa.
* * *
(Kun aduna kamo’y buot pakisayran bahin sa punsoy, kahulogan sa awom, damgo ug uban pa, text sa 0910-8105522)