Dili klaro

Dear Kuya Uriel,

Unsay kahulogan kun magdamgo ta og tawo nga wala ta makaila? Unsa sad ang akong kapalaran? -- 0916-9759377

TUBAG: Ang pagdamgo sa usa ka tawo nga dili kaila nagpasabot nga usa sa imong duol nga kabanay ang may personal nga interes alang kanimo. Dili hinuon klaro kun maayo o daotan ba ang maong interes. Bahin sa imong kapalaran, wala akoy ikasulti mahitungod niini tungod kay wala mo man itug-an kanako ang imong date of birth. Anyway, daghang salamat sa imong pagtampo dinhi sa akong column.

* * *

Dear Kuya Uriel,

This is my first tiime to text you. I want to know my CHI. I was born on October 14, 1974. Hopefully you will entertain me soon. -- 0916-9584xxx

TUBAG: Tigre ang imong horoscopic animal. Nahimugso ka sa petsa nga ang elementong kalayo maoy essence of the day. Kasarangan nga kinabuhi ang gipasalig sa CHI nga namugna sa petsa sa imong pagkahimugso. May mga panahon nga dili ka makalikay sa mga gumonhap sa kinabuhi. On and off man god ang momentum sa imong positive CHI. May mga higayon nga ang imong mga silingan ug ang ubang mga tawo sa imong palibot ingon sa dili mahimuot kanimo. Apan mahibulong ka kay moabot usab ang higayon nga ingon sa buotan sila kaayo alang kanimo. Likay sa mga binuhat nga natawo sa tuig sa unggoy ug bitin tungod kay demalas sila sa imong kinabuhi. Makatabang sa pagpalagsik sa imong positive CHI ang pagpakigsuod sa mga binuhat nga natawo sa tuig sa iro, koneho ug kabayo. Wala ikaw ing suwerte sa sugal. Gamit kanunay sa kolor nga silver, dark blue ug cream. Likay sa gugmang gidili. Butangi og mga pinintal ang sulod sa imong kuwarto.

* * *

Dear Kuya Uriel,

Good day. I just want to know my CHI. I was born on September 12, 1980. My girlfriend was born on September 10, 1982. Thank you. -- 0919-7186xxx

TUBAG: Natawo ka sa tuig sa unggoy samtang ang imong girlfriend natawo sa tuig sa iro. Managsamang kusog ang momentum sa inyong CHI. Ugaling lang kay giklaro sa feng shui almanac nga dili kamo perfect match sa usa’g-usa isip managhigugmaay.

* * *

Dear Kuya Uriel,

Hello...! Gusto kong makahibawo sa akong CHI. I was born on August 23, 1986. Unsay dagan sa akong lovelife? Thank you very much. -- 0919-7327xxx

TUBAG: Tigre ang imong horoscopic animal. Nahimugso ka sa petsa nga ang elementong kalayo maoy essence of the day. Kusog ang momentum sa imong CHI. Nagpasalig kinig madagayaon nga kinabuhi alang kanimo. Sa natad sa gugma, perfect match nimo ang opposite sex nga natawo sa tuig sa koneho, kabayo ug iro.

* * *

(Kun aduna kamo’y buot pakisayran bahin sa punsoy, kahulogan sa awom, damgo ug uban pa, text sa 0910-8105522)