Butang nga maka-attract

Dear Kuya Uriel,

Unsay things or whatever nga makuha nimo or ma-attrack dayon nimo ang imong crush? Kanang affordable lang nga butang. Thank you. -- Mr.E.

TUBAG: Sumala sa punsoy (Feng shui), ang tanang butang nga nagbaton og positibong CHI makatabang kanato aron mahiduol o masuod nato ang atong isigkatawo, ilabi na gayod ang binuhat nga nakaangkon og espesyal nga dapit sa atong kasingkasing.

Ang mga bulak, mga prutas nga tam-is ug mga maanindot nga basahon maoy pipila sa mga butang nga sagad modani sa usa ka binuhat sa pagpaduol kanimo. Apan dili kini matawag nga lumay, Mr. E. Kun sa pagkaon pa, kini maoy mga suplemento lang sa pagpatambok sa pagbati.

Ang punsoy nagbutyag nga ang mga butang nga may positibong CHI makahatag kanato’g suwerte sa panginabuhi ug gugma. Kun ang balay nga atong gipuy-an ug ang mga butang o tanom nga anaa sa palibot ug sa sulod niini adunay maayong CHI, kini makatabang kanato aron makabaton og suwerte.

Bahin sa imong crush, dili na kinahanglan nga magbaton ka og expensive nga mga butang aron madani siya kanimo. Tun-i ang iyang batasan. Sutaa kun unsay iyang hilig. Ipakita kaniya nga mi-appreciate ka sa iyang hilig sa pagkaon, pamiste, kolor ug daghan pang uban. Ipakita usab nga caring ka kaniya bisan dili pa kamo managtrato. Hatagi siya’g regalo atol sa mga espesyal nga okasyon sama sa Pasko, Bag-ong Tuig, Valentine’s Day ug sa pagsaulog sa iyang birthday.

May mga basahon usab nga makatabang kanimo sa pagbaton og mga technique aron ma-attrack kanimo ang imong crush. Akong isugyot ang libro nga How To Romance The Woman You Love. Mapalit kini sa mga nag-unang mga bookstore sa tibuok kapupud-an.

* * *

Dear Kuya Uriel,

Good day. I want to know my CHI. I was born on December 18, 1978. Thank you very much and God bless. -- 0920-3533621

TUBAG: Natawo ka sa tuig sa kabayo. Nahimugso ka sa petsa nga ang elementong yuta maoy essence of the day. Kusog ang buylo sa imong positive CHI. Nagpasalig kini alang kanimo og madagayaon nga kinabuhi dinhi sa kalibotan. Salmot sa kalihokang relihiyoso ug katilingbanon aron pagkabig sa suwerte.

* * *

Dear Kuya Uriel,

Good day. Ask lang ko sa akong CHI. I was born on June 16, 1980. My husband was born on May 14, 1979. Thanks and God bless. -- 0916-8913977

TUBAG: Natawo ka sa tuig sa unggoy samtang ang imong bana natawo sa tuig sa kanding. Managsamang kusog ang buylo sa inyong CHI. Dili nindot ang inyong kombinasyon. Giklaro sa Feng Shui almanac nga dili kamo perfect match sa usag-usa.

* * *

(Kun aduna kamo’y buot pakisayran bahin sa punsoy, kahulogan sa awom, damgo ug uban pa, text sa 0910-8105522).