19-anyos ‘adik’ inginuso ng ina, arestado
TABUK CITY, Kalinga, Philippines — Isinuplong ng sariling ina sa pulisya ang kanyang 19-anyos na anak na umano’y gumagamit ng shabu sa isang barung-barong sanhi ng kanyang pagkakaaresto sa Barangay Ipil, Tabuk City, nitong Martes ng gabi.
Ayon kay Maj. Ruff Manganip, tagapagsalita ng Kalinga Police Provincial Office, dakong alas-6:50 ng gabi noong Oktubre 13 nang rumesponde ang mga pulis sa natanggap na sumbong.
Naaktuhan umano ng ina ang kanyang anak na karpintero habang gumagamit ng hinihinalang shabu malapit sa kanilang tirahan.
Agad na humingi ng tulong ang ina sa isang pulis na kanilang kamag-anak, dahilan upang rumesponde ang mga tauhan ng Tabuk City Police.
Itinuro mismo ng ginang sa mga awtoridad ang barung-barong kung saan umano naaktuhang gumagamit ng ilegal na droga ang kanyang anak.
Nadatnan ang dispel at nakumpiska rito ang tatlong sachet ng hinihinalang shabu na nasa 1.75 gramo, at mga drug paraphernalia.
Dinala ang suspek sa himpilan ng pulisya sa Tabuk City para sa dokumentasyon at paghahanda ng kasong paglabag sa Republic Act 9165 o Comprehensive Dangerous Drugs Act of 2002.
- Latest
