Quezon, muling idineklarang ‘Avian Influenza free’
LUCENA CITY, Philippines — Muling idineklara ng Department of Agriculture (DA) na “Avian Influenza free” ang lalawigan ng Quezon.
Ang deklarasyon ay isinagawa ni DA Secretary Francisco Tiu Laurel alinsunod sa Memorandum Circular No. 45, Series of 2026, na nagtatakda sa pagkilala sa Quezon Province bilang malaya sa Avian Influenza.
Ayon kay Governor Dra. Helen Tan, mahalaga ang deklarasyong ito sa pagpapatuloy ng ligtas at maayos na produksyon at kalakalan ng mga poultry at poultry products sa lalawigan. Ipinapakita rin nito ang patuloy na pagpapatupad ng mga hakbang sa disease surveillance, biosecurity, at iba pang programa upang mapanatili ang kalusugan ng mga alagang hayop at maprotektahan ang kabuhayan ng mga poultry raiser.
Una nang idineklarang Avian Influenza-Free noong 2023 ang lalawigan sa ilalim ng naunang DA Memorandum Circular.
- Latest
