9 bahay sa Bataan niragasa ng flashflood

MANILA, Philippines — Siyam na bahay ang nasira kabilang ang isang inanod ng malakas na agos at mga nakatayo sa gilid ng Pita River, nang rumagasa ang baha sa Purok Singko, Barangay Pita, Dinalupihan, Bataan nitong Miyerkules ng gabi.

Sinasabing nasorpresa ang mga pamilyang nakatira sa gilid ng ilog nang biglang bumulwak ang malakas na agos ng tubig doon pababa sa ilog kasabay ang mga trosong inanod ng malakas na agos.

Mula umano sa kabundukan ng Zambales ang malaking volume ng tubig na umagos pababa sa naturang ilog.