KBP subling nanawagan alang sa responsableng pamahayag

CEBU, Philippines — Ang Kapisanan ng mga Brodkaster ng Pilipinas (KBP) nipagawas atong adlaw nga Biyernes, Hulyo 17, ug pamahayag nga subling nipahinumdom para sa maayong pamatasan, moralidad ug responsableng coverage sa broadcast ug digital platforms.

Ilaha ning gipagawas human sa nag-viral nga interview sa usa ka lokal nga sibyaanan sa Cebu nga niani og mainitong diskusyon sa publiko bahin sa tratamento sa babayeng biktima sa pagpanglugos.

Matud pa sa KBP giawhag nila ang mga broadcasters, journalists, media organizations, digital publishers, content creators, ug bisan ang mga social media users nga ipatigbabaw ang ethical standards, respetuhon ang mga biktima sa pag-abuso, protektahan ang mga bata ug menor de edad ug responsableng pagpublikar o pag-post ug likayan ang pag sensationalize o pagpahimulos sa mga nilupigan.

"Public trust is earned not only through speed or audience reach, but through accuracy, fairness, sound editorial judgment, and compassion for those affected by tragedy,"matud pa sa KBP.

Giklaro hinuon sa KBP nga ang mga nalambigit nga reporter u gang mismong media outlet niini, dili miyembro sa KBP maong dili sila sakop sa mga regulasyon, dili sila madisiplina sa organisasyon pero giklaro sab nila nga ang nakitang mga lapso makapawala og pagsalig sa publiko sa tanang sakop sa media. — IBM (BANAT NEWS)