Mining conference isasagawa sa Cagayan Valley
SANTIAGO CITY, Isabela, Philippines — Isang malakihang kumperensya sa pagmimina ang nakatakdang isagawa sa Region 2 o Cagayan Valley na pangungunahan ng Mines and Geosciences Bureau (MGB) kasama ang lahat ng mga mining companies sa rehiyon.
Ang 5th Regional Mining Conference and 2026 Stakeholders’ Forum, ay idaraos ngayong Miyerkules, Hunyo 24, sa Casa Jardin sa Santiago City, Isabela.
Ayon kay Engineer Mario Ancheta, MGB Region 2 director, ang nasabing forum ay magsisilbing lugar para iprisinta ng mga kumpanya ng minahan sa rehiyon ang kanilang mga accomplishments kabilang mga programa nila sa mga komunidad.
“At the forum, key discussion points are expected to include mine rehabilitation and reforestation, water quality monitoring, waste management, and community development programs tied to mining permits,” pahayag ni Ancheta.
Kasama sa mga mining companies na magbibigay ng kanilang report sa forum ay kinabibilangan ng Didipio Mine sa bayan ng Kasibu; FCF Minerals Corp. sa bayan ng Quezon, na kapwa nasa lalawigan ng Nueva Vizcaya; ang Dinapigue Mining Corporation sa coastal town naman ng Dinapigue sa Isabela, at ang offshore mining company ng JDVC Resources Corp., sa lalawigan naman ng Cagayan.
Bukod sa operasyon ng mga nabanggit na malalaking kumpanya ng minahan ay kasalukuyan naman ang exploration ng iba pang mining exploration companies tulad ng Woggle Corp. at North Luzon Minerals Resources Corp.
“The gathering will also focus on strengthening partnerships, promoting best practices, and showcasing initiatives that contribute to environmental stewardship and sustainable community development,” pahayag pa ni Ancheta.
Inaasahan naman na dadalo rin sa atibidad ang iba’t ibang sektor mula sa gobyerno at pribadong grupo, komunidad, LGUs, at host communities.
- Latest
