Indian tepok sa pamamaril sa Isabela

SANTIAGO CITY, Isabela, Philippines — Isang Indian national ang nasawi matapos pagbabarilin ng hindi pa nakikilalang salarin sa Barangay Alibagu, Ilagan City ng lalawigang ito, kamakalawa ng gabi.

Ayon sa report ng pulisya, papasok na sana ang biktima na hindi pa tinukoy ang pangalan sa kanilang gate sakay ng kanyang pick-up truck nang biglang sumulpot ang salarin at pagbabarilin siya nang malapitan.

Batay sa kuha ng CCTV, nakasuot ng bonet ang nag-iisang suspek na mabilis tumakas matapos ang pamamaril.

Nagsasagawa na ng masusing imbestigasyon ang mga awtoridad para sa posibleng pagkakilanlan at pagkahuli sa suspek. Inaalam na rin ang motibo sa nasabing krimen.