P39.4 milyon tulay, binuksan sa Kalinga

TABUK CITY, Kalinga, Philippines — Pormal na pinasinayaan ang P39.4 milyon na bagong tulay sa Barangay Nambaran, Tabuk City sa lalawigang ito, ayon sa ulat kamakalawa.

Ayon sa ulat ng Department of Public Works and Highways (DPWH), ang Nambaran Bridge ay may habang 40-metrong na pinondohan ng pambansang pamahalaan.

Ang pagbubukas ng nasabing tulay ay dinaluhan ng mga local na opisyal sa lalawigan, mga residente at iba pang mga stakeholders.

Itinuturing ng mga residente ang Nambaran Bridge bilang isa sa mga pinakamahalagang imprastraktura sa kanilang lugar na magsisilbing daan para sa mas maayos at magandang koneksyon sa ibang mga bayan at lalawigan na magdadala ng pag-unlad ng lungsod at ang buong lalawigan ng Kalinga.