Bagong director ng PRO-2, itinalaga
TUGUEGARAO CITY, Cagayan, Philippines — Itinalaga ni PNP Chief PGen Jose Melencio Nartatez Jr., si PBrig. Gen. Mariano Cureg Rodriguez bilang bagong director ng Police Regional Office (PRO)-2 sa isinagawang turnover ceremony sa Camp Crame, Quezon City kamakalawa.
Pormal na umupo kahapon si Rodriguez para pamunuan ang Valley Cops na binubuo ng limang lalawigan- Batanes, Cagayan, Isabela, Quirino at Nueva Vizcaya.
Sa isinagawang turnover ceremony, ipinasakamay ni PBGen Antonio Marallag, Jr., na kabilang sa PNPA Sandigan Class ng 1994, ang pamamahala at katungkulan sa PRO2 kay Rodriguez na kabilang naman sa PNPA Kaagapay Class ng 1996.
Bago ang kanyang bagong assignment, Si Rodriguez na tubong Cabagan, Isabela, ay nagsilbing Deputy Director for Administration sa PRO 11-Davao; Deputy Director for Operations ng PRO 4A- Calabarzon; Chief of Staff ng PRO2; Provincial Director ng Isabela PPO; at Chief of Police ng Tuguegarao City Police sa Cagayan.
Samantala, si Marallag naman na dalawang beses na naging director ng PRO2 ay itinalaga ni Nartatez bilang bagong chief ng Directorate for Research and Development o DRD sa kanilang national headquarters.
- Latest
