Backhoe operator dedo sa landslide

MANILA, Philippines — Nalibing ng buhay ang isang backhoe operator matapos itong aksidenteng ma-trap at matabunan sa landslide sa excavation site ng isang farm sa Brgy. Silway 8, Polomolok, South Cotabato noong Martes, ayon sa ulat kahapon.

Sa ulat ang biktima ay kasalukuyang nasa lugar gamit ang backhoe nang biglang maguhuan ng lupa sa nasa 50 talampakang hukay dakong alas-9 ng umaga.

Ang biktima ay natrap sa loob ng backhoe na inio-operate nito matapos na matabunan ng lupa sa gumuhong excavation site sa naturang farm.

Nagawang mahukay ng rescue team ang katawan ng backhoe operator at maiahon sa lugar bandang alas-2:30 ng hapon, pero idineklara na itong dead-on-arrival sa pagamutan.