Fetus, narekober sa basurahan
MANILA, Philippines — Isang tinatayang 7 buwang fetus ang natagpuang itinapon sa basurahan sa Upper Carmen, Cagayan de Oro City, ayon sa ulat kahapon.
Sa report ng Cagayan de Oro City Police ang fetus ay natagpuan sa basurahan makaraan ang dalawang araw sa isang apartment sa nasabing lugar.
Isang concerned citizen ang nagulat sa pagkakadiskubre sa nasabing fetus kaya mabilis na inireport sa pulisya ang insidente.
Nagresponde naman ang mga pulis at narekober ang nasabing fetus na dinala ng mga tauhan ng City Social Welfare and Development sa simbahan para mabendisyunan bago ilibing.
Ang fetus na hindi pa matukoy ang kasarian ay inilagay sa isang transparent na garapon saka itinapon sa naturang basurahan .
Nagulantang ang nasabing concerned citizen ng pagbukas nito ng basurahan para magtapon ng basura ay nakita ang isang garapon na may fetus sa loob.
Nagsasagawa na ng imbestigasyon ang mga awtoridad upang matukoy kung sino ang responsable sa pagtatapon sa nasabing fetus.
- Latest
